მთავარი გვერდი

ჩვენ შესახებ

იუჯითი ქლაუდფორსი | UGT Cloudforce წარმოადგენს საქართველოში ყველაზე მსხვილი IT ორგანიზაციის, UGT ჯგუფის წევრ კომპანიას და ფოკუსირდება კორპორატიული ორგანიზაციებისთვის ისეთი IT სერვისების უზრუნველყოფაზე, როგორებიცაა: მონაცემთა ცენტრის სერვისები, ქლაუდ ტექნოლოგიები, IT რესურსების და სისტემების გაქირავება, პროფესიული სერვისები და IT აუთსორსინგი.

მსოფლიოს ლიდერ მწარმოებლებთან და პროვაიდერებთან პარტნიორობით, გთავაზობთ თანამედროვე ტექნოლოგიურ შესაძლებლობებზე დამყარებულ სერვისებს, რომელიც საქართველოს რეალობაზეა მორგებული და მაქსიმალური მოქნილობის საშუალებას იძლევა. ჩვენი მომსახურება მოგცემთ შესაძლებლობას დაკონცენტრირდეთ საკუთარ გამოწვევებზე და მიაღწიოთ მეტ წარმატებას.

ლოკალური ქლაუდ სერვისები

UGT Cloud არის პირველი მსოფლიო კლასის ქლაუდ პლატფორმა საქართველოში, ის განთავსებულია UGT-ის მაღალ-მდგრად და საიმედო მონაცემთა ცენტრში, რომელიც აგებულია სპეციალურად კრიტიკული IT ამოცანებისთვის საჭირო სერვისების უზრუნველსაყოფად. მონაცემთა ცენტრი დაპროექტებულია Tier III სტანდარტის მიხედვით და გააჩნია უსაფრთხოების სისტემის მართვის ISO 27001 და სერვისების მენეჯმენტის ISO 20000 სერტიფიკატები.

UGT Cloudforce წარმოადგენს UGT Cloud სერვისების ექსკლუზიურ დისტრიბუტორს საქართველოში. ფლობს რა Microsoft-ის და VMware-ის ოფიციალური ქლაუდ პროვაიდერის სტატუსებს, UGT Cloud პლატფორმა სრულად ლიცენზირებულია Microsoft SPLA და VMware VCPP ლიცენზირების მოდელით. ხოლო სასერვერო და მონაცემთა შენახვის ინფრასტრუქტურა კი აგებულია HPE-ს უმაღლესი ხარისხის Proliant და Nimble სისტემების გამოყენებით.

Dedicated Servers

ფიზიკურად გამოყოფილი სერვერების არენდა, მაღალ-მდგრად და დაცულ მონაცემთა ცენტრში განთავსებით. მაღალხარისხიანი სერვერული სისტემების მძლავრი გამოთვლითი რესურსი უზრუნველყოფს თქვენი მონაცემთა ბაზებისა თუ პროგრამული აპლიკაციების გამართულ მუშაობას.

UGT Public Cloud

ლოკალური ქლაუდ პლატფორმა დაფუძნებული ღია კოდის პროგრამულ ინფრასტრუქტურაზე. ვირტუალური სერვერები, სწრაფი მონაცემთა სანახი, ქსელური ფუნქციების ვირტუალიზაცია, კონტეინერების სერვისი, ავტოსკალირება, მარკეტფლეისი, თვითმომსახურების პორტალი და სხვა მრავალი შესაძლებლობა.

VMware on UGT Cloud

მოქნილი, მაღალ-მდგრადი და უსაფრთხო ქლაუდ გარემო, ვირტუალიზაციის ყველაზე პოპულარული პლატფორმის, VMware-ის ბაზაზე. სრულად ლიცენზირებული სისტემა VMware-ის რეკომენდირებულ სარეფერენსო არქიტექტურის ბაზაზეა აგებული და მწარმოებლის მიერ არის ვერიფიცირებული.

Backup & Recovery

თქვენი მონაცემების სარეზერვო ასლების ლოკალურ ქლაუდ პლატფორმაზე განთავსება საუკეთესო დაცვის მეთოდია თქვენს IT ინფრასტრუქტურაში გაუთვალისწინებელი ავარიების გამო გამოწვეული მონაცემთა დაზიანების ან დაკარგვის საფრთხეებისგან თავის ასარიდებლად.

გლობალური ქლაუდ სერვისები

გლობალური ქლაუდ ბაზარი ბოლო ათწლეულია ორნიშნა ციფრებით იზრდება და ანალიტიკოსთა პროგნოზებით ასე გაგრძელდება მომავალშიც. 2030 წლისთვის ვარაუდობენ რომ ბაზრის ზომა 1.5 ტრილიონ აშშ დოლარს გადააჭარბებს და ამ თანხის უდიდეს ნაწილს ბაზრის 2 ლიდერი გადაინაწილებს: Amazon და Microsoft.

ჩვენ ვპარტნიორობთ წამყვან გლობალურ ქლაუდ პლატფორმებთან. მათი ტექნოლოგიების და ჩვენი გამოცდილი ექსპერტების მეშვეობით, დაგეხმარებით გაუმკლავდეთ თქვენი ორგანიზაციის ყველაზე რთულ IT გამოწვევებსაც კი. ჩვენ გვესმის რომ თითოეული ჩვენი დამკვეთის სიტუაცია სპეციფიკურია და სხვებისგან განსხვავებული. სწორედ ამიტომ ვპარტნიორობთ რამდენიმე წამყვან ქლაუდ პროვაიდერთან, რომ თითოეული ჩვენი დამკვეთის სპეციფიკაზე მორგებული გადაწყვეტები და ქლაუდ სერვისები გამოვიყენოთ მათი ბიზნეს და IT საჭიროებების დასაკმაყოფილებლად.

Amazon ვებ სერვისები ლიდერი ქლაუდ პლატფორმაა გლობალური მასშტაბით. მას აქვს Iaas და PaaS სერვისების დიდი არჩევანი (200-ზე მეტი), მათ შორის ყველაზე პოპულარულებია: Elastic Cloud Compute (EC2), Simple Storage Service (S3), Relational Database Service (RDS).

Oracle-ის ქლაუდ სისტემა საუკეთესოდ ერგება მსხვილი ორგანიზაციების მონაცემების დამუშავების და შენახვის საჭიროებებს. განსაკუთრებით მომგებიანია მათთვის, ვინც უკვე იყენებს Oracle-ის მონაცემთა ბაზებსა და აპლიკაციებს.

ესაა საუკეთესო ქლაუდ პლატფორმა კორპორატიული IT სერვისებისთვის. სიმარტივისა და მსგავსების გამო, მის გამოყენებას ადვილად შეძლებთ, თუკი იყენებთ: MS Office, SQL სერვერი, Windows Server, Active Directory, Dynamics და Microsoft-ის სხვა პროდუქტებს.

OVH წარმოადგენს უმსხვილეს ჰოსტინგის და ქლაუდ სერვისების პროვაიდერს ევროპაში. OVH მომხმარებლებს სთავაზობს როგორც საჯარო, ისე კერძო ქლაუდ ინფრასტრუქტურას და გამოყოფილი სერვერების ფართო არჩევანს მსოფლიოს 100-ზე მეტ ქვეყანაში.

IT როგორც სერვისი – ITaaS

IT როგორც სერვისი (ITaaS) წარმოადგენს ტექნოლოგიების მიწოდების მეთოდს, რომელიც მომხმარებლისთვის ინფორმაციული ტექნოლოგიების (IT) მომსახურების სახით მიღებას და მოხმარების შესაბამისად ანაზღაურებას გულისხმობს.

განსხვავებით ტრადიციულად გავრცელებული მოდელისა, რომლის ფარგლებშიც ორგანიზაცია ყიდულობს IT სისტემებს და სამუშაოდ აჰყავს IT ინჟინრები, რათა მოუარონ და მართონ შეძენილი ტექნოლოგიები, ITaaS მოდელის შემთხვევაში მყიდველს არ უწევს მაღალი კაპიტალდაბანდება IT სისტემებში ინვესტიციის სახით და არც მისი მომსახურე საინჟინრო გუნდის შექმნა. ამას მისი სერვის პროვაიდერი კომპანია უზრუნველყოფს, წინასწარ შეთანხმებული ყოველთვიური გადახდების სანაცვლოდ. შესაბამისად, IT ინფრასტრუქტურაზე და სისტემებზე დანახარჯები, კაპიტალდაბანდების მაგივრად, ტრანსფორმირდება საოპერაციო დანახარჯებში.

Hardware as a Service

გამოთვლითი სისტემების, სერვერების თუ მონაცემთა შენახვის სისტემების შეძენის ნაცვლად, თქვენ იღებთ ამ სისტემებს თქვენს განკარგულებაში და გამოყენების საფასურს ყოველთვიურად უხდით თქვენს პროვაიდერს.

Network as a Service

საქსელო ინფრასტრუქტურა, იქნება ეს მონაცემთა გადაცემის გარე ქსელი თუ უბრალოდ საოფისე ქსელური მოწყობილობები, თქვენ შეგიძლიათ გამოიყენოთ მათში კაპიტალდაბანდების გარეშე და უბრალოდ გადაიხადოთ გამოყენების საფასური.

Cloud at Customer

სრულად გამართული ქლაუდ ინფრასტრუქტურა თქვენს მონაცემთა ცენტრში, რომელსაც თქვენ განკარგავთ და მთლიანად აკონტროლებთ. მხოლოდ იმ განსხვავებით, რომ ის პროვაიდერის საკუთრებაა, თქვენ კი იხდით მოხმარების საფასურს.

Managed Services

აპარატურული და ქსელური ინფრასტრუქტურის სერვისული მოდელით გამოყენების გარდა, თქვენ გაქვთ შესაძლებლობა ისარგებლოთ IT სისტემების ადმინისტრირების, ოპერირებისა თუ ტექნიკური მხარდაჭერის სრული აუთსორსინგით.